May 14, 2020

Serikali yaridhika utekelezaji Mradi wa Kufua Umeme wa Julius Nyerere Mw 2115

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa akizungumza katika ziara  ya kukagua utekelezaji Mradi wa kufua Umeme kwa Maji wa Julius Nyerere, alipotembelea eneo la ujenzi wa Mradi.




WAZIRI Mkuu wa Jamhuri ya Muungano ya Tanzania Kassim Majaliwa ameridhishwa na hatua mbalimbali za ujenzi wa Mradi mkubwa wa Kufua Umeme kwa maji wa Julius Nyerere (JNHPP) unaotekelezwa kwenye mto Rufiji.

Waziri Mkuu ameyasema hayo leo Mei 14, 2020, baada ya kufanya ziara kwenye eneo la mradi unaotarajiwa kuzalisha jumla ya Megawati 2115“ utakapokamilika 2022.

Waziri Mkuu ambaye alifuatana na Waziri wa Nishati, Dk. Medard Kalemani, Katibu Mkuu wa Wizara hiyo mhandisi Zena Said watendaji wa TANESCO wakiongozwa na Mkurugenzi Mtendaji TANESCO, Dk.Tito Mwinuka, alisema ziara yake ililenga kupata picha halisi ya hali ya mradi na hatua iliyofikiwa.

“Nimefarijika sana kuona hatua iliyofikiwa toka mradi umeanza mwezi Juni mwaka Jana mpaka leo ni ya kuridhisha.” Alisema Waziri Mkuu.

Alisema ziara yake imempa fursa ya kujionea jinsi kazi zinavyoendelea na nimatumaini yake
utakamilika kwa wakati

“Nimepata fursa ya kuona eneo lote la mradi na kazi mbalimbali zikiendelea, wakandarasi wanafanya vizuri na sisi Kama Serikali kupitia Wizara na TANESCO tumekuwa karibu nao kuhakikisha wanafanya vizuri na hayo ndio matarajio ya watanzania.” alisema Waziri Mkuu.

Waziri Mkuu amewahakikishia watanzania kuwa mradi huo utakamilika katika muda uliopangwa na kuwapongeza wakandarasi kampuni ya Elsewedy na Arab contractor kutoka Misri kwa kazi nzuri.

Alisema licha ya changamoto ya mvua za masika bado kazi ya ujenzi iliendelea.

Awali akitoa taarifa ya utekelezaji wa ujenzi wa mradi huo Waziri wa Nishati Dkt. Medard Kalemani alisema, ujenzi ulianza 15/6/2020 na utakamilika 14/6/2022.

“Mradi unashughuli kubwa saba kati ya hizo muhimu sana ni nne, ujenzi wa njia ya kuchepusha maji, kujenga bwawa lenyewe, kujenga kingo nne zitakazowezesha maji kuhifadhiwa na ya mwisho ni kujenga power house.”. alifafanua Dkt. Kalemani.

Dkt.Kalemani alisema Hadi sasa mkandarasi ameshalipwa shilingi trilioni 1.29 ya jumla ya shilingi trilioni 6.5 ya mkataba mzima.

“Malipo hayo ni sawa na asilimia 100 ambayo inahusu malipo ya awali asilimia 15 na malipo ya kazi alizofanya Hadi sasa.” Alifafanua Dkt. Kalemani.










February 14, 2020

Ipigie kura Shirika la Umeme Tanzania (TANESCO) kuweza kushinda kipengele cha *Best Government page of the year* kwa mwaka 2020.

Ipigie kura Shirika  la Umeme Tanzania (TANESCO) kuweza kushinda kipengele cha *Best Government page of the year* kwa mwaka 2020.

Chakufanya;

1. Fungua hiyo link utakutana na neno Vote chini kabisa ya ukurasa

2. Utakutana na Vipengele vitatu yani *Award Category*, *Sub Category * na *Selection*

3.Kwa upande wa Award Category chagua *DIGITAL GOVERNANCE* na chagua *BEST GOVERNMENT PAGE OF THE YEAR* kwenye kipengele cha Sub Category

4. Kwenye kipengele cha Selection chagua TANESCO

Hatua ya mwisho wameandika *VOTE NOW* ! Bonyeza hapo na utakua umefanikiwa kupiga kura yako. Asanteni sana na tunaomba ushirikiano wako!


https://www.digitalawards.co.tz


February 10, 2020

TAARIFA KWA UMMA: TAHADHARI KWA WANANCHI WANAOISHI PEMBEZONI MWA MKONDO WA MAJI YATOKAYO KWENYE VYANZO VYA KUFUA UMEME KWA MAJI VYA MTERA NA KIDATU



MKURUGENZI MTENDAJI TANESCO, DKT. TITO MWINUKA


TAARIFA KWA UMMA:


FEBRUARI 10, 2020

      
TAHADHARI KWA WANANCHI WANAOISHI PEMBEZONI MWA MKONDO WA MAJI YATOKAYO KWENYE VYANZO VYA KUFUA UMEME KWA MAJI VYA MTERA NA KIDATU


Shirika la Umeme Tanzania (TANESCO) linatoa tahadhari kwa Wananchi wanaofanya shughuli za kibinadamu pembezoni mwa mkondo wa maji yatokayo katika mabwawa ya kufua umeme kutokana na mvua zinazoendelea kunyesha.
Kufuatia taarifa iliyotolewa na Mamlaka ya Hali ya Hewa Nchini (TMA) kuwa mvua bado zinaendelea na zipo juu ya wastani, TANESCO inafanya tathmini iwapo siku za usoni maji yahamie upande wa pili kwa ajili ya usalama wa Mabwawa na Mitambo.
TANESCO inatoa tahadhari hii muhimu kwa Wananchi hususani wale wanaojishughulisha na shughuli mbalimbali za kiuchumi kama vile Uvuvi, kulisha Mifugo, Kilimo na shughuli nyingine kwenye mkondo wa mto, vidimbwi au pembezoni mwa bwawa kuacha kufanya shughuli za kibinadamu, kijamii na kiuchumi kwa kipindi hiki ambacho mvua za Vuli zikiwa zinaendelea kunyesha.

Hali ya Ufuaji umeme katika mabwawa ya Mtera na Kidatu unaendelea vizuri kwa asilimia mia moja (100%) na kiwango cha maji kimeongezeka kutokana na mvua zinazoendelea kunyesha kuanzia mita 691.22 juu ya usawa wa bahari kuanzia Desemba 01, 2019 hadi kufikia mita 698.40 juu ya usawa wa bahari Februari 10, 2020 katika bwawa la Mtera.
Shirika litaendelea kuhamasisha na kutoa elimu kwa wananchi wote waishio maeneo ya pembezoni mwa mkondo wa maji na mabwawa ya Mtera na Kidatu kwa  ushirikiano na Viongozi wa Wananchi wa maeneo hayo.

TANESCO itaendelea kutoa taarifa mara kwa mara kadri hali ya mvua itakavyokuwa inaendelea.




Imetolewa na:  Ofisi ya Uhusiano
                          TANESCO-Makao Makuu


                                

February 7, 2020

WANANCHI CHUKUENI TAHADHARI - TANESCO



Shirika la Umeme Tanzania (TANESCO) limetoa tahadhari kwa Wananchi wa Vijiji jirani na vyanzo vya kufua umeme kwa maji vya Mtera na Kidatu kufuatia taarifa iliyotolewa na Mamlaka ya Hali ya Hewa Nchini(TMA) kuwa mvua bado zinaendelea kunyesha na zipo juu ya wastani.

Kufuatia taarifa hiyo ya Mamlaka ya Hali ya Hewa Nchini, Meneja Mwandamizi Uzalishaji Umeme Mhandisi John Skauki amesema wataalamu wa TANESCO wanafanya tathmini iwapo siku za usoni maji yahamie upande wa pili kwa ajili ya usalama wa Bwawa na mitambo.

Alisema Wananchi wanatakiwa kuchukua tahadhari na kuongeza maji hayatakuwa yanasambaa bali yatapita kwenye mkondo wake wa asili ambako wananchi wanafanya shughuli zao za kijamii.

"TANESCO tumeona ni muhimu leo kutoa tahadhari kwa Wananchi kutokana na mvua zinazoendelea kunyesha, kwa kawaida Bwawa la Mtera kulijaza huchukua miezi 3 hadi 4 kwa mvua za masika, lakini kwa kipindi hiki mvua za vuli zimekuwa nyingi ndani ya mwezi mmoja kina kimeongezeka", alisema Mhandisi Skauki.

Alisema tahadhari inatolewa kwa Wananchi kusitisha shughuli zao za kijamii kama uvuvi, kulisha mifugo, kilimo na nyingine kwenye mkondo wa maji au sehemu zenye vidimbwi ili kuepuka madhara yanayoweza kutokea.

Aliongeza kuwa, kawaida kina cha maji kujaa ni mita 698.50 juu ya usawa bahari na kuongeza hivi sasa kina cha maji kimefikia 698.03 juu ya usawa wa bahari.

"Ikitulazimu tutaruhusu maji kwenda upande wa pili, hili ni zoezi la kawaida na halina madhara yoyote kwa jamii, mara ya mwisho maji kuzidi kiwango ilikuwa mwaka 2008 zoezi lilifanyika na hakukuwa na madhara yoyote kwani maji hupita kwenye mkondo wake wa asili", alisisitiza Mhandisi Skauki.

Aidha, maji yatakapofika kina cha mwisho TANESCO itatolea taarifa aliongeza.

Kwa upande wake Kaimu Meneja Uhusiano Bi. Leila Muhaji akizungumzia jinsi ambavyo jamii inayoishi kandokando na vyanzo vya maji inahusishwa alisema, TANESCO imekuwa ikitoa elimu kwa Wananchi hao, lakini pia kushirikiana na viongozi wa Vijiji, Mamlaka ya Bonde la Mto Rufiji, Maafisa wa Uvuvi.

"Tumefika hapa kuwatoa hofu Wananchi na hii tunayotoa ni tahadhari  tuu kwa Wananchi", alisema Bi. Muhaji.

Afisa Mtendaji Kata ya Mtera Bi. Naomi Fungulia alisema siku zote wamekuwa wakishirikiana na TANESCO na wamekuwa wakitoa tahadhari kwa wananchi kupitia vikao mbalimbali wanavyovifanya.

Bwawa la Mtera lilijengwa mwaka 1988 na limekuwa likitumika kwenye uzalishaji wa umeme kwa vituo viwili vya Mtera megawati 80 na Kidatu megawati 201.

Vyanzo vya maji vya bwawa la Mtera ni vitatu ambavyo ni Mto wa Ruaha Mkuu, Ruaha Mdogo ambvyo vipo Mkoani Iringa na Mto Kisigo unaopata maji kutokea Mikoa ya Singida na Dodoma.

Kwa hivi sasa bwawa la Mtera ndio bwawa kubwa na linachangia takribani asilimia 30 ya umeme kwenye gridi ya Taifa.

Aidha, inatarajiwa maji ya Mtera pia yatachangia kwenye ufuaji wa umeme bwawa la Nyerere kupitia mto Kilombero, bwawa la Julius Nyerere litakuwa na uwezo wa kufua megawati 2115 za umeme.









November 18, 2019

Dkt. Medard Kalemani Ahamasisha Wawekezaji wa Migodi



Waziri wa Nishati, Mhe. Dkt. Medard Kalemani Ahamasisha Wawekezaji wa Migodi, Hoteli na Viwanda kuunganisha umeme wa bei nafuu Wa TANESCO Mkoani Mara ili kuongeza ufanisi pamoja na kuboresha zaidi biashara zao ambapo amesema kuwa, TANESCO tayari inapeleka umeme mwingi wa takriban Megawati 82 Mkoani humo lakini matumizi ya Mkoa mzima kwa sasa ni takriban Megawati 33 ambazo ni chache mno ukilinganisha na shughuli za kiuchumi zilizopo mkoani humo.

Waziri Kalemani aliyasema hayo alipotembelea Mkoa huo kwa ziara ya kikazi ya kukagua na kujionea maendeleo ya utekelezaji wa miradi mbalimbali ya Umeme Mkoani humo hususan Miradi ya umeme Vijijini pamoja na Mijini.

‘’Mkoa wa Mara, una fursa mbalimbali za kimaendeleo ikiwemo Viwanda, Mahoteli na raslimali kubwa ya madini na migodi mingi ambayo bado haijaunganishwa na umeme wa gharama nafuu wa TANESCO na wanatumia vyanzo ghali vya Umeme wa mafuta kuendesha biashara zao’’, Alisema Dkt. Kalemani

Aidha Dkt. Kalemani aliagiza, TANESCO Mkoa wa Mara na Mikoa mingine ambayo bado matumizi ya umeme yako chini, ukilinganisha na umeme unaopatikana maeneo hayo kuhakikisha kuwa wanaanzisha kampeni kabambe ya mlango kwa mlango kutembelea Wawekezaji na Wafanyabiashara wote katika maeneo yao ambao bado hawajaunganisha umeme wa TANESCO ili kuwaelimisha na kuwahamasisha kuunganisha umeme wa TANESCO kwani hivi umeme wa TANESCO ndio chanzo nafuu kabisa cha Nishati, ambayo imesambaa maeneo mengi Nchini na ndio Nishati ya uhakika na unaotabirika kwa sasa.

Aliongeza kuwa kwa kutumia Umeme Nafuu wa TANESCO, itawezesha gharama za uzalishaji mali na uendeshaji kupungua kwa kiasi kikubwa na hivyo kuchochea zaidi ukuwaji wa shughuli hizo kwa ujumla ikiwemo viwanda, Migodi, Mahoteli na Shughuli mbalimbali za kiuchumi na kijamii ambazo pia zitachochea ukuwaji wa Uchumi wa Taifa zima kwa ujumla.




November 15, 2019

Dkt. Kalemani aipa maagizo mazito Bodi ya Wakurugenzi TANESCO



WAZIRI wa Nishati, Dkt. Medard Kalemani leo Novemba 15, 2019 amezindua Bodi ya Wakurugenzi ya Shirika la Umeme Tanzania (TANESCO) aliyoiteua juzi Novemba 13, 2019.

Dkt. Kalemani akiambatana na Naibu Waziri wa Nishati, Mhe. Subira Mgalu, ameizundia Bodi hiyo yenye wajumbe 9 juzi jijini Dodoma na kuipa maagizo yapatayo 16.

Bodi hiyo itaongozwa na Dkt. Alexander Kyaruzi ambaye aliteuliwa Novemba 9, 2019 na Rais Dkt. John Pombe Magufuli kwa kipindi kingine cha pili kuongoza Bodi hiyo.

Akizindua Bodi hiyo itakayodumu kwa miaka mitatu, Dkt. Kalemani alimemkabidhi Mwenyekiti Dkt. Kyaruzi kitendea kazi ambacho ni Sheria ya Umeme ya Mwaka 2008 aliyosema ndiyo itakayowaongoza katika majukumu yao.
Aidha, aliwapa maelekezo ya kuwa umeme ndio injini ya uchumi wa viwanda hivyo ni lazima waisimamie Tanesco kuhakikisha umeme unapatikana katika shughuli zote za kiuchumi nchini. Alitaka uwepo umeme wa kutosha na unaotabirika ili kufanikisha azma hiyo ya Serikali.
Aliwataka wakasimamie miradi hiyo iliyoanza kutekelezwa na itakayotelezwa na Tanesco, na katika hilo, wahakikishe Mradi wa Kufua Umeme wa Maporomoko ya Maji wa Julius Nyerere (JNHPP) katika mto Rufiji wa megawati 2,115, unakamilishwa kwa wakati ifikapo Juni 14, 2022, kama ilivyoelezwa katika mkataba.
Aliitaja miradi mingine kama wa Ruhuji megawati 358, Rumakari megawati 222 na Malagarasi na mengine, inasimamiwa na kukamilika kwa wakati.
Aliwataka kuhakikisha ifikapo mwaka 2025 njia zote za kusafirishia umeme zinaunganishwa na Gridi ya Taifa katika kona zote za Tanzania, kwa kuhakikisha asilimia 85 ya Watanzania wawe wameanza kutumia umeme wakiwamo wale wanaoishi vijijini.
Dkt. Kalemani pia aliitaka bodi kuhakikisha wanarekebisha, wanaboresha na kuimarisha miundombinu ya usafirisha umeme, kuisimamia TANESCO na Wakala wa Umeme Vijijini (REA) katika miradi ya umeme vijijini kwa kuwabana makandarasi kukamilisha miradi kwa wakati.
“Tusingependa kuongeza hata dakika moja kwa mkandarasi katika mradi wowote ule, tunataka wakabidhi miradi kwa wakati,” alisema Dkt. Kalemani.
Aidha, aliitaka bodi kuhakikisha viwanda vinapata umeme wa uhakika kwa kutumia transfoma kubwa zenye uwezo wa kuchukua umeme mwingi, na pia kusisitiza mita, transfoma, na nyaya haziuzwi kwa mwananchi yeyote na atakayekiuka agizo hilo achukuliwe hatua.
Alisisitiza kuwa kwa vijijini, mwananchi aunganishiwe umeme kwa Sh 27,000 tu, na atakayekiuka hilo, naye achukuliwe hatua na bodi kwa yule aliye kwenye mamlaka yao.
Kuhusu mapato ya shirika, alitaka wasimamie ukusanyaji huo wa mapato, na kuagiza kuwa kwa yeyote ambaye anadaiwa Ankara na Tanesco akatiwe huduma mara moja na hasa kama madeni hayo ni sahihi na halali.
Aliagiza pia kuyaaangalia maeneo yenye tija kama viwanda, mitambo ya kusukuma maji, zahanati na mengine na kukusanya mapato, huku akiisifu Tanesco kwa kuongeza mapato kutoka Sh bilioni 9 hadi kufikia Sh bilioni 46 na kutaka waongeze bidii ifike Sh bilioni 60.
Aidha, aliwataka kuongeza vyanzo vya mapato, kuondoa kero ya watu wanaosubiri kuunganishiwa umeme kwani nguzo na nyaya zipo za kutosha, kudhibiti vishoka wachache waliopo, kuhakikisha katikakatika ndogo ya umeme iliyopo inakuwa historia na kuwajengea uwezo wazalishaji wadogo wa umeme nchini.
Mbali ya kuwataka kuwa wabunifu na wenye uthubutu kwa kufanya kazi kwa kuzingatia kasi, wepesi na nidhamu, aliwaagiza kuwa sheria za manunuzi zisiwe kificho cha kuchelewesha kazi.
Kuhusu Jiji la Dodoma, aliagiza liangaliwe kwa ukaribu na kila eneo lipate huduma ya umeme, na hilo anataka kuliona limefanyika ndani ya miezi sita.
Katika utekelezaji wa hayo yote, Dkt. Kalemani ameagiza Bodi itoe taarifa kwa wizara kila baada ya miezi mitatu kuelezea utendaji wao wa kazi.
Naibu Waziri Mgalu kwa upande wake, aliwatakia kila la heri wajumbe wa bodi hiyo, na kueleza kuwa wizara inawategemea sana katika kusukuma mbele majukumu hasa ya kulisimamia shirika hilo la TANESCO.
Mwenyekiti wa Bodi, Dkt. Kyaruzi na wajumbe wake waliokuwapo jana, waliahidi kutekeleza maelekezo yote hayo ya Waziri kwa ushirikiano, uadilifu, weledi, na kutoa utumishi uliotukuka ili kuisaidia serikali katika sekta ya umeme kufikia Tanzania ya viwanda ifikapo 2025.







November 13, 2019



WAZIRI wa Nishati, Dkt. Medard Kalemani ameteua Bodi mpya ya Wakurugenzi ya Shirika la Umeme Tanzania (TANESCO) yenye wajumbe wanane.

Dkt. Kalemani amefanya uteuzi leo Novemba 13, 2019, unatokana na Rais John Magufuli kumteua Dkt. Alexander Kyaruzi kuwa Mwenyekiti wa Bodi kwa kipindi kingine cha pili.

Rais Dkt. John Pombe Magufuli alimteua Dkt. Kyaruzi Novemba 9, mwaka huu baada ya kuwa ameshika wadhifa huo kuanzia Mei 2016 hadi Mei 2019.

Dkt. Kalemani alisema wajumbe hao wapya watakaa madarakani kuanzia Novemba 13, 2019 hadi Novemba 12, 2022.

Aliwataja wajumbe hao kuwa ni Balozi Dk James Nzagi (alikuwa Mjumbe wa Bodi ya Wakurugenzi wa TANESCO iliyomaliza muda wake) na Dkt. John Kihamba (Mhadhiri wa Chuo Kikuu Kishiriki cha Elimu Dar es Saam - DUCE).

Wengine ni Dk Lugano Wilson (Mkurugenzi wa Maendeleo ya Uhandisi na Mkuu wa Teknolojia za Nishati - TIRDO), John Kulwa (Mkuu wa Idara ya Ukaguzi Chuo Kikuu Kishiriki cha Afya na Sayansi Shirikishi - MUHAS) na Denis Munumbu (Mchunguzi Mkuu wa Taasisi ya Kuzuia na Kupambana na Rushwa - TAKUKURU).

Wengine ni Dk Gemma Modu (Mkurugenzi NACTE), Mathew Kirama (Mkurugenzi Ofisi ya Rais, Menejimenti ya Utumishi wa Umma) na Gilay Shamika (Mjumbe katika bodi iliyopita).

Dkt. Kalemani alimpongeza Rais Magufuli kwa kumuamini na kumteua tena Dkt. Alexander Kyaruzi kuisimamia Bodi hiyo.

Alimtaka Mwenyekiti huyo kulitumikia Shirika kwa Kasi, weledi na nidhamu ili kuwahudumia watanzania kwa kuondoa kero ndogo na kuifanya heshima ya Watanzania kwa TANESCO iendelee.

"Ni matumaini yetu mtakuja na ari mpya, nguvu mpya na kasi mpya katika kutekeleza azma ya Hapa Kazi Tu ili kulipa nguvu Shirika letu," alisema Dkt. Kalemani.

Kwa wajumbe wote, aliwataka wachape kazi ili kuhakikisha wadau wa Tanesco wanafaidi huduma nzuri na kuhakikisha Umeme unawafikia watanzania wote.

Kwa upande wake, Mwenyekiti Dk Kyaruzi alimshukuru Rais Magufuli kwa heshima kubwa kwake kwa kumteua tena kulisimamia shirika hilo.

Alisema TANESCO miradi mingi ya kimkakati ukiwamo Mradi wa Kufua Umeme wa Maporomoko ya Maji wa Julius Nyerere wa megawati 2,115 na wa Rusumo mkoani Kagera.

Alisema miradi hiyo na mingine wataisimamia kikamilifu kwa kuweka mikono yao humo kwa kufuata miongozo mbalimbali wanayopewa na viongozi wao.

Miongoni mwa waliohudhuria ni kikao hicho ni, Naibu Waziri Nishati Mhe. Subira Mgalu, Katibu Mkuu Nishati Dkt. Hamisi Mwinyimvua, Mhandisi Leonard Masanja Kamishina wa Umeme na Nishati Jadilifu, Mwenyekiti wa Bodi ya Wakurugenzi wa Shirika la Umeme Tanzania ( TANESCO) Dkt. Alexander Kyaruzi, Mkurugenzi Mtendaji wa TANESCO Dkt.Tito Mwinuka na Viongozi Wandamizi wa Wizara ya Nishati




September 9, 2019

WAZIRI DKT. KALEMANI ARIDHISHWA NA KASI YA UJENZI MRADI WA UMEME WA MAJI WA JULIUS NYERERE (JNHPP) WA MTO RUFIJI


 
WAZIRI wa Nishati Dkt. Medard Kalemani, akitoa tathmini yake mbele ya sehemu ya kuingilia kwenye handaki la kuchepusha maji (diversion tunnel) la ujenzi wa mradi wa umeme wa maji wa Julius Nyerere kwenye mto Rufiji Mkoani Pwani Septemba 8, 2019 wakati alipotembelea kukagua maendeleo ya ujenzi wa mradi huo ambao ukikamilika utazalisha umeme wa Megawati 2115.


Kasi ya ujenzi wa mradi wa umeme wa maji wa Julius Nyerere (JNHPP) kwenye Mto Rufiji Mkoani Pwani “imemkuna” Waziri wa Nishati Dkt. Medard Kalemani baada ya kutembelea eneo la mradi huo Septemba 8, 2019 na kukuta hatua muhimu ya ujenzi wa ADIT (njia ya kufika kwenye handaki la kuchepusha maji) (diversion tunnel) ikiwa imekamilika.

“Hii ni mara yangu ya nane kutembeela mradi huu tangu uanze, leo nimetembelea ili kuangalia masuala makubwa matatu, kasi ya ujenzi, usimamizi na utawala na masuala yote ya ujenzi wa miundombinu wezeshi ili kuona kama imekaa sawasawa.” Alisema Dkt. Kalemani.

Alisema baada ya kuangalia masuala hayo amefurahishwa na hatua iliyofikiwa ambapo amewapongeza wasimamizi wa mradi huo TANESCO na TANROADS ambao Rais wa Jamhuri ya Muungano wa Tanzania Dkt. John Pombe Magufuli alitoa maelekezo kuwa lazima ujenzi huo usimamiwe na Watanzania wenyewe na ukamilike katika muda uliopangwa ambao ni miezi 42, ambapo miezi 36 ni ya ujenzi na miezi 6 ya mobilization kwa maana ya maandalizi ya vifaa na watumishi ambapo kazi ilianza Juni 15, 2019 na kazi inakwenda vizuri.” Alifafanmua Dkt. Kalemani.

Akifafanua zaidi Dkt. Kalemani alisema hadi sasa tayari wakandarasi wamekwishatumia miezi nane 8 kati ya 42 na kazi ambazpo zilikuwa zinaendelea kufanyika ni ujenzi wa njia za kuchepusha maji (diversion tunnel), nilikuja Julai 22, 2019 na nikaelekeza kazi hii ifanyike ndani ya siku 45 na ikamilike umbali wa Mita147.6 nashukuru wamemaliza na wameokoa siku 7 kabla ya muda niliotoa.

“Nimatarajio yetu mkataba unaisha Juni 14, 2022 na nimatumaini yetu kwamba watatukabidhi mradi huo siku hiyo saa 9;30 alasiri wataukab idhi na mimi niukabidhi kwa Watanzania na asitokee mtu atakaejaribu kuuchelkewesha mradi huo, sisi kama serikali tutahakikisha tunaanza kumchelewesha yeye kwanza kabla hajatuchelewesha sisi kukamilisha mradi huo.” Alionya.
Awali akitoa taarifa ya mafanikio ya utekelezaji wa mradi huo yaliyofikiwa hadi sasa, Mratibu wa Mradi huo Mhandisi Steven Manda ambaye pia ni Meneja Miradi wa TANESCO alisema, pamoja na kukamilika kwa ujenzi wa handaki la kuchepusha maji, pia daraja namba mbili kwa maana ya miundombinu wezeshi nalo limekamilika na sasa mashine kubwa na vifaa vya ujenzi vinavushwa kutoka upande mmoja wa mto kwenda upande wa pili kupitia daraja hilo.

Daraja namba mbili  la kukatisha mto Rufiji eneo la ujenzi wa mradi wa umeme wa maji wa Julius Nyerere (JNHPP) likiwa limekamilika.